Özbəkistan prezidenti Şavkat Mirziyoyev yaxın vaxtlarda Türkiyənin ilk yerli elektrik avtomobili Togg-u alacaq. Raport.az xəbər verir ki, bunu bazar günü Türkiyə prezidenti Rəcəb Tayyib Ərdoğan İstanbulda keçirilən mitinqdə çıxışı zamanı deyib.
“Togg artıq yollardadır. Bir ədəd “Togg” markalı avtomobili qardaşım Azərbaycan prezidenti İlham Əliyevə göndərdik. Digər qardaşım Özbəkistan prezidenti Şavkat Mirziyoyevə isə digərini göndəririk”, – Ərdoğan bildirib.
Xatırladaq ki, Türkiyənin ilk iki elektrik avtomobili aprelin 3-də Türkiyə prezidenti Rəcəb Tayyib Ərdoğan və xanımı Əminə Ərdoğan tərəfindən qəbul edilib.
Üçüncüsü isə aprelin 4-də Azərbaycan Prezidentinə təqdim olunub.
