Səudiyyə Ərəbistanının vəliəhd şahzadəsi Məhəmməd bin Salman ölkənin paytaxtı Ər-Riyadı 2030-cu ilə qədər əhalisini iki dəfə artıraraq 15 milyona çatdıraraq dünyanın ən böyük şəhərinə çevirmək istəyir. Raport.az xəbər verir ki, bu barədə Bloomberg məlumat yayıb.
Nəşr qeyd edir ki, bunun üçün ölkədə 2024-cü ildən etibarən dövlət qurumlarının Səudiyyə Ərəbistanında regional qərargahı olmadığı təqdirdə beynəlxalq şirkətlərlə iş aparmağı qadağan edən qaydalar olacaq.
“Control Risks” qlobal risk konsaltinq şirkətinin əməkdaşı Uill Braunun sözlərinə görə, o, tezliklə ailəsi ilə birlikdə Ər-Riyada köçəcək və onun şirkəti Səudiyyənin paytaxtında qərargah açmağı planlaşdırır.
Agentlik vurğulayır ki, bu yolla Səudiyyə Ərəbistanı daha azad və kosmopolit, lakin daha bahalı olan BƏƏ-nin paytaxtı Dubayla rəqabət aparmağı planlaşdırır.
Hazırda Səudiyyə Ərəbistanı qlobal neft bazarında öz oyun qaydalarını faktiki olaraq diktə edir. Bu, Ər-Riyadın bir sıra OPEC+ ölkələrində gündəlik xammal istehsalının həcmini azaltmaq qərarına gəlməyə çalışması ilə bağlıdır.
