İsrail Knessetinin Konstitusiya, qanunvericilik və ədalət komitəsi məhkəmə islahatlarının birinci hissəsinin təsdiqi ilə bağlı səsverməni səhərə qədər təxirə salıb. Raport.az xəbər verir ki, bu barədə Arutz Şeva təşəbbüsün həmmüəlliflərindən birinin bəyanatına istinadən xəbər verir.
Portalın məlumatına görə, məhkəmə-hüquq islahatları hakimlərin seçimi komissiyasının tərkibinin dəyişdirilməsi ilə bağlı qanun layihəsinə dəyişiklik edilməsini nəzərdə tutur. Bu, hökumətə komissiyada avtomatik səs çoxluğu verəcək.
Düzəlişlər Knessetdə yekun oxunuş üçün göndərilməzdən əvvəl bazar günü axşam saatlarında nəzərdən keçirilməli idi.
“Komitə bazar ertəsi səhər saat 8:00-da Hakim Seçki Komitəsinin tərkibini dəyişdirən yekun qanunun mətninə səs vermək üçün toplanacaq” deyə konstitusiya komitəsinin rəhbəri Simhi Rotman bildirib.
Bundan əvvəl İsrailin keçmiş baş naziri Naftali Bennet məhkəmə islahatlarını təxirə salmağa və danışıqlara keçməyə çağırıb.
