Fransanın Bordo Universitetinin antropoloqları Avropa tarixində müasir insan növünün qətlinin ilk qurbanı olan kromanyon adamı tapıblar. Raport.az xəbər verir ki, araşdırmanın nəticələri “The Journal of Human Evolution” jurnalında dərc olunub.
Alimlərin fikrincə, müasir insanın qədim əcdadı Kromanyon mağarasında (Fransanın cənub-qərbində yerləşən kromanyonların ən qədim qaya sığınacağı) təqibçisindən gizlənməyə çalışıb, lakin o, başına zərbə endirib. Daş balta ilə zərbə ölümcül olub.
Alimlər mağaranı ötən əsrdə tapmışdılar, orada dörd böyük və dörd uşağın qalıqları var idi. Sümüklər arasında antropoloqlar kəllənin ön sümüyündə şübhəli qüsuru olan kəllə də tapıblar. Bir çox tədqiqatçı zədənin ölüm səbəbi olub-olmaması ilə bağlı fikir ayrılığına gəlib.
Alimlər kompüter tomoqrafiyasından istifadə edərək əldə edilən məlumatlar əsasında qədim insanın başının 3D rekonstruksiyasını yaradıblar. Komanda ortaya çıxan modeli travmatik beyin zədəsinin digər nümunələri ilə müqayisə edib. Alimlərin fikrincə, böyük ehtimalla kişi bıçaqlanıb, bundan sonra o, sağ qalıb, lakin meningit xəstəliyinə tutulub və ölüb. Alimlərin versiyası düzgündürsə, bu, Avropada müasir insana qarşı zorakı hücumun ilk sübutudur
